14.12.2016 ж 9 «В» арнайы сыныбында «Менің қолымнан барлығы келеді кемесі» тренинг-ойыны өтті. Топта психологиялық ахуал орнату мақсатында оқушылар бір-бірімен дәстүрден тыс амандасудың түрлерімен сәлемдесті. «Мен жан-жақты қайталанбас бейнемін» аралы кезеңінде «Мен кіммін?» ойыны жүргізілді. «Мен зейіндімін» аралында  оқушылардың  зейіннің тұрақтылығын дамыту мақсатында  «Ия-жоқ» ойыны, «Мен өнерлімін» аралында  «Құм терапиясы» шығармашылық тапсырма орындалды. Мақсаты: оқушылардың қол моторикасын, зейінін, қиялы мен шығармашылық қабілетін дамыту. «Мен қабілеттімін» аралы кезеңінде оқушылардың  ойлау қабілетін, логикалық ойлауын дамыту мақсатында «Артық затты тап», «Үш сөзден сөйлем құра!» және «Ұғымдар байланысын тап» тапсырмаларын орындады. Сабақ барысында сергіту жаттығуы орындалды. «Менің қолымнан барлығы келеді» аралы кезеңінде видеобейне көрсетіліп, оқушылардың көзқарастары сұралды. «Мен болашақта» тақырыбында оқушылар суреттерін қорғады.  «Болашақ» аралында «Сенің қолынан барлығы келеді» видеобейнесі көрсетіліп, оқушылар бір-бірлеріне тілектерін айтты. Кері байланыста «Арал» әдісі қолданылды.